எகிப்து ஏர்லைன்ஸ்: கடலில் விழுந்த விமானத்தின் கருப்புப் பெட்டி கண்டுபிடிப்பு

மத்தியதரைக் கடலில் விழுந்து நொறுங்கிய எகிப்து ஏர் நிறுவன விமானத்தின் கருப்புப் பெட்டியிலிருந்து எழுவதைப் போன்ற சமிக்ஞை கண்டறியப்பட்டுள்ளதாக எகிப்து அதிகாரிகள் தெரிவித்தனர்.

பிரான்ஸ் கடற்படைக் கப்பலில் பொருத்தப்பட்டுள்ள அதி நவீனக் கருவிகள் மூலம் அந்த சமிக்ஞை கண்டறியப்பட்டதாக அவர்கள் கூறினர். 66 பேருடன் எகிப்து ஏர் விமானம் மத்தியதரைக் கடலில் கடந்த மாதம் 19-ஆம் தேதி விழுந்து நொறுங்கியது.

இந்தச் சம்பவத்துக்கு இயந்திரக் கோளாறு காரணமாக இருக்கலாம் என நம்பப்படுகிறது. எனினும் கறுப்புப் பெட்டியை முழுமையாக ஆய்வு செய்த பிறகுதான் விபத்திற்கான உண்மையான காரணம் தெரியவரும் என்பது குறிபிடத்தக்கது.

செய்தி :: சாஹிப்...