பல விதிகளை மீறியதால் தான் என்டிடிவி இந்தியா ஒளிபரப்புக்கு ஒரு நாள் தடை விதிக்கப்பட்டது என மத்திய அமைச்சர் வெங்கையா நாயுடு விளக்கம் அளித்துள்ளார்.இதுகுறித்து சென்னையில் இன்று செய்தியாளர்களை சந்தித்த மத்திய அமைச்சர் வெங்கையா நாயுடு கூறியதாவது:பல விதிகளை மீறியதால் தான் என்டிடிவி இந்தியா ஒளிபரப்புக்கு ஒரு நாள் தடை விதிக்கப்பட்டது. தொலைக்காட்சி ஒளிபரப்பு ரத்து செய்த சம்பவங்கள் ஏற்கனவே நடந்துள்ளது. ராணுவ நடவடிக்கைகளை வெளியிடுவது என்பதை ஏற்றுக் கொள்ள முடியாது.
இதுபோன்ற செய்திகளை வெளியிட வேண்டாம் என தொலைகாட்சிகளுக்கு பலமுறை அறிவுறுத்தப்பட்டுள்ளது. காங்கிரஸ் ஆட்சியில் விதிக்கப்பட்ட விதிகளின்படியே, என்டிடிவி இந்தியா ஒளிபரப்புக்கு தடை விதிக்கப்பட்டுள்ளது என்றார்.
மேலும், நேற்று தலைமைச் செயலாளரிடம் பேசிய போது, முதல்வர் விரைவில் குணமடைந்து வீடு திரும்புவார் என என்னிடம் கூறினார். இந்த தகவல் மகிழ்ச்சியளிக்கிறது என்றும் வெங்கையா நாயுடு தெரிவித்தார்.
No comments:
Write comments