சூர்யாவுடன் இணைந்து நடிக்க தயார் - ஜோதிகா

என் கேரக்டருக்கு ஏற்ற மாதிரி நல்ல கதை அமைந்தால் சூர்யாவுடன் இணைந்து நடிக்க தயாராக இருக்கிறேன் என்று ஜோதிகா தெரிவித்துள்ளார்.

1999ம் ஆண்டு தமிழில் ‘வாலி’ படம் மூலம் அறிமுகமானார் நடிகை ஜோதிகா. பின்னர் பல முன்னணி நடிகர்களுடன் நடித்து தமிழில் நம்பர் 1 நடிகையாக வலம் வந்தவர். பின்னர் நடிகர் சூர்யாவை திருமணம் செய்து கொண்டு குடும்ப வாழ்க்கையில் ஈடுபட்டார். சூர்யா , ஜோதிகா தம்பதியினருக்கு தியா, தேவ் ஆகிய இரு குழந்தைகள் உள்ளனர். ஜோதிகா மீண்டும் ‘36 வயதினிலே’ படம் மூலம் மீண்டும் நடிக்க வந்தார். 36 வயதினிலே படமும் ஹிட்டானது.

இந்நிலையில் தற்போது ஜோதிகா பிரம்மா இயக்கத்தில் ‘’மகளிர் மட்டும்’’ படத்தில் நடித்து வருகிறார். சூர்யா, ஜோதிகாவை மீண்டும் திரையில் சேர்த்து வைத்துப் பார்க்க ரசிகர்கள் ஆவலாக உள்ளனர். ஜோதிகா மீண்டும் நடிக்கத் துவங்கிவிட்டாலும் சூர்யாவுடன் அவர் நடிப்பதாக தெரியவில்லை. ரசிகர் ஒருவர் ‘‘உங்களையும், சூர்யாவையும் எப்பொழுது பெரிய திரையில் மீண்டும் சேர்ந்து பார்க்கலாம்’’ என்று கேட்டதற்கு, ‘’சூர்யாவுடன் மீண்டும் சேர்ந்து நடிக்க எனக்கு ஆசை உள்ளது. என் கேரக்டருக்கு ஏற்ற மாதிரி ஒரு நல்ல கதை கிடைத்தால் கட்டாயம் நடிப்பேன்’’ என்றார்.