இசையமைப்பாளராகிறார் கருணாஸ் எம்.எல்.ஏ...!!!

‘பகிரி’ என்ற படத்தை எழுதி, தயாரித்து, இயக்குபவர் இசக்கி கார்வண்ணன். வாட்ஸ் அப்பை மையமாக வைத்து உருவாகும் நகைச்சுவை காதல் கதை இது என கூறப்படுகிறது. வாட்ஸ் அப் என்றால் தமிழில் ‘பகிரி’ என்று அர்த்தமாம். அதனால்தான் இந்தத் தலைப்பை வைத்திருக்கிறார்கள். 

“தாம்பரம் தாண்டி முடிச்சூரில் இருந்து வேலை தேடி சென்னை வரும் இளைஞன் ஒருவனைப் பற்றிய கதை இது. இப்போதைய சமூகச்சூழலில் இக்கால இளைஞர்கள் தங்களின் காதல் எப்படி இருக்க வேண்டும், வாழ்க்கை எப்படி இருக்க வேண்டும், விருப்பம், வேலை எப்படி இருக்க வேண்டும் என்று நினைக்கிறார்கள் என்பதை நகைச்சுவையாய்  சொல்லியிருக்கிறேன். நான்  பகிரவேண்டிய செய்தியையும் சிரிக்கச் சிரிக்கப் பகிர்ந்திருக்கிறேன்” என்கிறார் இயக்குனர்.

லட்சுமி கிரியேஷன்ஸ் தயாரித்துள்ள இந்தப் படத்தை, 36 நாட்களில் படமாக்கியிருக்கிறார்கள். நாயகனாக பிரபு ரணவீரன், நாயகியாக ஆந்திரத்து வரவு ஷர்வியா ஆகியோர் நடித்திருக்கிறார்கள். மிமிக்ரி ஆர்ட்டிஸ்ட், பாடகர், நடிகர், அரசியல்வாதி எனப் பன்முகம் கொண்ட கருணாஸ் எம்.எல்.ஏ. இந்தப் படத்திற்கு இசையமைத்துள்ளார். அவர் இசையமைக்கும் முதல் படம் இது. படத்தில் 3 பாடல்கள் இடம்பெற்றுள்ளன.

செய்தி :: சாஹிப்...