தனி நபர் சட்டத்தில் தலையிடமாட்டோம் - ஆர்.எஸ்.எஸ் பெண்கள் பிரிவு

முஸ்லிம் பெண்களை விவாகரத்து செய்யும் தலாக் முறை தொடர்பாக சர்ச்சைகள் எழுந்துள்ள நிலையில், இந்தப் பிரச்னை தொடர்பாக முஸ்லிம் சமூகத்துக்குள்ளேயே தீர்வு காண வேண்டும் என்று ஆர்எஸ்எஸ் சார்பு பெண்கள் அமைப்பான ராஷ்ட்ர சேவிகா சமிதி வலியுறுத்தியுள்ளது.

இதுகுறித்து அந்த அமைப்பின் அகில இந்திய பொதுச் செயலர் சீதா அன்னதானம், கூறியதாவது:

"அனைத்து மகளிருக்கும் சரிசமமான நீதி கிடைக்க வேண்டும். தலாக் பிரச்னை தொடர்பாக கடந்த காலத்தில் நாங்கள் ஒரு திட்டத்தை முன்வைத்தோம். பெண்களின் பாதுகாப்பைக் கருத்தில் கொண்டும், முஸ்லிம் சமூகத்தின் தற்போதைய சூழலைப் பொருத்தும் தலாக் பிரச்னைக்குத் தீர்வு காணப்பட வேண்டும். ஒரு சமூகத்தின் பிரச்னைக்கு அந்த சமூகத்தில் இருந்தே தீர்வு காணப்பட வேண்டும். ஆனால், அவர்களின் தனிநபர் சட்டங்களிலும் குரானிலும் நாங்கள் தலையிட மாட்டோம்." இவ்வாறு அவர் தெரிவித்துள்ளார்.