உலகிலேயே குறைவான சம்பளம் பெறுவது இந்தியர்கள் தான்..!

எட்டு வருடத்திற்கு முன் 2008 இல் பாதிப்படைந்த உலக பொருளாதார பின்னடைவுக்குப் பிறகு இன்று வரை இந்திய மக்களின் சம்பள உயர்வு 0.2 சதவீதம் மட்டுமே என்று ஆய்வறிக்கை ஒன்று வெளியாகியுள்ளது.

கார்ன் ஃபெரியின் ஹே குழுமம் இந்தியாவின் வளர்ச்சி விகிதம் 63.8 சதவீதம் வளர்ச்சி அடைந்த நிலையில் இந்தியர்களின் சம்பள உயர்வின் சராசரி 0.2 சதவீதமாகவே உள்ளது என்று புதிய ஆய்வறிக்கையை வெளியிட்டுள்ளது.

இதே காலகட்டத்தில் சீனாவில் சம்பள வளர்ச்சி விகிதம் 10.6 சதவீதமும், இந்தோனேசியாவின் சம்பள வளர்ச்சி விகிதம் 9.3 சதவீதமும், மெக்சிகோவின் சம்பள விகிதம் 8.9 சதவீதமும் அதிகபட்சமாக உயர்ந்துள்ளது.

அதே சமயம் துருக்கியில் சம்பள விகிதம் -34.4 சதவீதமும், அர்ஜென்டீனாவில் -18.6 சதவீதமும், ரஷ்யாவில் -17.1 சதவீதமும், ப்ரேசிலில் -15.3 சதவீதமும் பெற்று மிக மோசமான நிலையில் உள்ளது.

மிக வேகமாக வளர்ந்து வரும் ஜி20 நாடுகளில் சில நாடுகள் அதிக வளர்ச்சி பெற்று இருக்க சில நாடுகள் மிக மோசமான நிலையில் உள்ளன. ஆனால் இந்தியாவோ நடுத்தர இடத்தில் உள்ளது என்று அளிக்கையில் குறிப்பிடப்பட்டுள்ளது.