சூப்பர் ஸ்டாரை சந்திக்க காத்திரிக்கும் தோனி!

சென்னை: இந்திய ஒருநாள் கிரிக்கெட் கேப்டன் மஹேந்திர சிங் தோனியின் வாழ்க்கை பற்றிய படம் எம்.எஸ். தோனி - தி அன்டோல்ட் ஸ்டோரி. இதை விளம்பரப்படுத்துவதற்காக விரைவில் சென்னை வருகிறார் தோனி. அப்போது அவர் ஒரு ரசிகராக ரஜினிகாந்தை போயஸ் கார்டனில் சந்திக்க உள்ளதாக தகவல் வெளியாகியுள்ளது.

ரஜினிகாந்தை சந்திக்க வேண்டும் என்பது கேப்டன் தோனியின் நீண்ட நாள் ஆசை. சூப்பர் ஸ்டாரின் வெறித்தன ரசிகர் தோனி. கடந்த 18-ம் தேதி நடந்த டி.என்.பி.எல். கிரிக்கெட் இறுதி போட்டியின் போது சென்னை வந்த தோனி ரஜினிகாந்திற்கு பிறகு தனக்கு கோலிவுட்டில் பிடித்த நடிகர் சூர்யா என்று கூறினார்.

இந்த தகவலை சூர்யா ரசிகர்கள் வலைத்தளங்களில் பெறுமையாக பதிவு செய்து கொண்டிருக்கும் நிலையில் சூர்யா தோனிக்கு தனது நன்றியை தெரிவித்து இருக்கிறார். தோனியின் வாழ்க்கை பற்றிய படத்தை பாலிவுட் இயக்குனர் நீராஜ் பாண்டே இயக்க தோனியாக நடிகர் சுஷந்த் சிங் நடித்திருக்கிறார். மிகப் பெரிய எதிர்பார்ப்பை கிளப்பி உள்ள இந்த படம் இந்த மாதம் இறுதியில் வெளியாகும் என்று கூறப்படுகிறது.சில நாட்களுக்கு முன்பு அந்த படத்தின் பாடல்கள் மற்றும் டிரைலர் வெளியாகி ரசிகர்களை உற்சாகத்தில் ஆழ்த்தியது.