எங்க கிராமத்துல இருந்து ஒரு ஓட்டு கூட விழாதுடா கொய்யால...!

திருவள்ளூர் மாவட்டம் திருத்தணி அருகே உள்ள குக்கிராமம் மிட்டகண்டிகை. இக்கிராம மக்கள் முழுவதுமாக தேர்தலை புறக்கணித்துள்ளனர். கடந்த 20 வருடங்களுக்கும் மேலாக அடிப்படை வசதிகள் ஏதுமின்றி அவதிப்படும் இந்த கிராம மக்கள் எத்துனை முறையோ வருவாய்த்துறை உள்ளிட்ட பல அதிகாரிகளிடமும் புகார் அளித்தும் எந்தவிதமான நடவடிக்கையும் எடுக்கப்படாததால் ஒட்டுமொத்தமாகவே தேர்தலை புறக்கணித்துள்ளனர்.

மொத்தம் 586 வாக்குகளை கொண்ட இக்கிராமத்தி ஒருவர் கூட வாக்களிக்க செல்லாததை அறிந்த திருத்தணி வட்டாட்சியர் அக்கிராமத்திர்கு விரைந்து சென்று மக்களை சமாதானப்படுத்தும் முயற்ச்சியில் ஈடுபட்டார். ஆனால் தங்களுக்கு அடிப்படை வசதிகள் செய்து தரப்படும் என எழுத்துப்பூர்வமாக வாக்கு கொடுத்தால் மட்டுமே ஓட்டுப்போட வருவோம் என திட்டவட்டமாக கூறிவிட்டனர்.