இந்திய அணியின் தூதரானார் ஆஸ்கார் நாயகன்...!

ரியோ ஒலிம்பிக்கில் பங்கேற்கும் இந்திய அணியின் நல்லெண்ணத் தூதர் ஆனார் இசையமைப்பாளர் ஏ.ஆர். ரஹ்மான்.

31-வது ஒலிம்பிக் போட்டி வரும் ஆகஸ்ட் மாதம் பிரேசிலின் ரியோ-டி-ஜெனிரோவில் நடைபெறுகிறது.

ஒலிம்பிக் போட்டியில் பங்கேற்கும் இந்திய அணியின் நல்லெண்ணத் தூதராக பாலிவுட் நடிகர் சல்மான் கான் முதலில் நியமிக்கப்பட்டார். ஆனால் அதற்கு கடும் எதிர்ப்புக் கிளம்பியது. ஐ.ஓ.ஏவின் இந்த முடிவை முன்னாள் தடகள வீரர் மில்கா சிங், கடந்த ஒலிம்பிக்கில் வெண்கலப் பதக்கம் வென்ற மல்யுத்த வீரர் யோகேஷ்வர் தத் உள்ளிட்டோர் கடுமையாக விமரிசித்தனர்.

இந்த நிலையில் அந்த சர்ச்சையிலிருந்து தப்பிக்க மேலும் பலரை இந்திய அணியின் நல்லெண்ணத் தூதர்களாக நியமிப்பதில் ஐ.ஓ.ஏ தீவிரம் காட்டி வருகிறது. அதன்படி சச்சின், ஏ.ஆர்.ரஹ்மான், அபிநவ் பிந்த்ரா ஆகியோரைத் தூதராக்கும் முயற்சியில் இறங்கியதோடு, அவர்களிடம் வேண்டுகோளும் விடுத்துள்ளதாகச் செய்திகள் வெளியாகின. அபிநவ் பிந்த்ரா, சச்சின் ஆகியோர் ஐ.ஓ.ஏவின் வேண்டுகோளை ஏற்றுக் கொண்டுள்ளார்கள்.

இந்நிலையில், ஐ.ஓ.ஏ-வின் கோரிக்கையை இசையமைப்பாளர் ஏ.ஆர். ரஹ்மானும் ஏற்றுக்கொண்டுள்ளார். இதுகுறித்த அதிகாரபூர்வமான தகவல் இன்று வெளிவந்துள்ளது. இது தனக்குப் பெருமை அளிப்பதாக ரஹ்மான் கூறியுள்ளார்.

செய்தி :: சாஹிப்...