தமிழ் சினிமாவில் சில நாயகர்களுக்கு மட்டுமே ரசிகர்களை கடந்து சக நடிகர்களும் ரசிகர்களாக இருப்பார்கள். அதில் முக்கியமான நடிகரான இளையதளபதி விஜய்யை இயக்க விருப்பம் உள்ளதாக நடிகர் விக்ரம் கூறியுள்ளார்.
சமீபத்தில் தொலைக்காட்சி ஒன்றுக்கு பேட்டியளித்த நடிகர் சீயான் விக்ரம் தனது விருப்பத்தை கூறியுள்ளார். அந்த பேட்டியின்போது, ஒரு படம் இயக்க நினைத்தால் எந்த நடிகரை இயக்குவீர்கள் என்று கேட்கப்பட்டதற்கு, சற்றும் யோசிக்காமல் இளையதளபதி விஜய்யை வைத்து இயக்க விருப்பப்படுவதாக விக்ரம் கூறியுள்ளார்.
தற்போது விக்ரம் நடிப்பில் உருவாகியுள்ள 'இருமுகன்' படத்தின் புரோமோஷன் பணிகள் நடைபெற்று வருகின்றன. சமீபத்தில் வெளியான இப்படத்தின் டீசர் ரசிகர்கள் மத்தியில் நல்ல வரவேற்பை பெற்றது.
மேலும், 'ஸ்பிரிட் ஆஃப் சென்னை' எனும் ஆக்கப்பூர்வ வீடியோ மூலம் தன்னை ஒரு இயக்குனராக அடையாளம் காட்டிக் கொண்ட சீயான் விக்ரமின் ஆசை விரைவில் கைக்கூடும் என எதிர்ப்பார்க்கப்படுகிறது.
நன்றி: சமயம்
No comments:
Write comments