''சவுதி இஸ்லாமிக் செக்ஸி ஆடைகள்'' என்ற பெயரில் ஆபாச புகைப்படத்தை வெளியிட்ட அமேசான் நிர்வாகத்திற்கு ஏற்பட்ட நெருக்கடியை அடுத்து அந்த புகைப்படம் இணையதளத்தில் இருந்து நீக்கப்பட்டது.அமேசான் இணையதளத்தில், ஒரு பெண் ஆபாச பர்கா ஆடை அணிந்து இருப்பது போன்ற புகைப்படம் வெளியிடப்பட்டு இருந்தது. ஆடைக்கான இந்த விளம்பரத்தில், ஆடையின் விலை 29.99 டாலர் என்று குறிப்பிடப்பட்டு இருந்தது. இந்தப் புகைப்படத்திற்கு முஸ்லிம்கள் இடையே பலத்த எதிர்ப்பு கிளம்பியது.
''இந்த விளம்பரம் இனவெறியைத் தூண்டுவதுபோல் உள்ளது. முஸ்லிம் பண்பாட்டில் பர்கா முக்கியமான ஆடை. இந்த மாதிரியான ஆடை விளம்பரம் தவறானது'' என்று சிலர் தங்களது கருத்துக்களை பதிவு செய்து இருந்தனர். இதையடுத்து அமேசான் அந்தப் புகைப்படத்தைஇணையதளத்தில் இருந்து நீக்கிக் கொண்டது.
இந்த விளம்பரத்தை அமேசான் வெளியிடவில்லை என்பதும், இவர்களுடன் இணைத்துக் கொண்டுள்ள ஒரு நிறுவனம் அவ்வாறு விளம்பரத்தை வெளியிட்டு இருந்ததும் இறுதியில் தெரிய வந்தது. இதையடுத்து அந்த நிறுவனத்துக்கு மட்டுமின்றி, தங்களுடன் வியாபார ரீதியாக இணைத்துக் கொண்டுள்ள அனைத்து நிறுவனங்களும் தங்களது நிறுவனத்தின் கொள்கைகளை பின்பற்ற வேண்டும் என்று அமேசான் எச்சரித்துள்ளது.
No comments:
Write comments