சசிகலா சிறைக்கு செல்ல வேண்டியவர்தான் - தீபா

''சிறைக்கு செல்ல வேண்டியவர்கள்தான் செல்கின்றனர். இந்த வழக்கின் தீர்ப்பை வரவேற்கிறேன்'' என்று ஜெயலலிதாவின் அண்ணன் மகள் தீபா தெரிவித்துள்ளார்.

சொத்துக் குவிப்பு வழக்கில் இன்று சசிகலாவுக்கு எதிராக தீர்ப்பு வந்திருப்பது குறித்து ஜெயலலிதாவின் அண்ணன் மகள் தீபா கூறுகையில், ''அதிமுக தொண்டர்கள் மற்றும் தமிழக மக்கள் சசிகலா சிறை செல்வதை வரவேற்றுள்ளனர். சசிகலா ஆட்சிக்கு வரக் கூடாது என்பதுதான் தமிழக மக்களின் விருப்பம். அம்மாவின் விருப்பத்திற்கு மாறாக இவர்கள் நடந்து கொண்டனர். இவர்கள் விரும்பினால் யாருக்கு வேண்டுமானாலும் பதவியைக் கொடுப்பார்கள் (எடப்பாடிக்கு சட்டமன்ற அதிமுக தலைவர் பொறுப்பு வழங்கப்பட்டது குறித்து கேட்டபோது).

தொடர்ந்து 30 ஆண்டுகள் ஜெயலலிதாவை பதவி மற்றும் பணத்திற்காக ஏமாற்றியவர்கள்தான் இவர்கள். பன்னீர் செல்வம் எனக்கு அழைப்பு விடுத்தது குறித்து நான் பின்னர் கூறுகிறேன்'' என்று தெரிவித்தார்.