எஸ்.எஸ்.எல்.சி தேர்வு முடிவுகள் - 499 பெற்றும் இரண்டு பேர் முதலிடம்

எஸ்.எஸ்.எல். சி தேர்வில் 499 மதிப்பெண் எடுத்து இரண்டு மாணவர்கள் சாதனை படைத்துள்ளனர்.

பத்தாம் வகுப்பிற்கான தேர்வு கடந்த மார்ச்-ஏப்ரல் மாதம் நடைபெற்றது. இதற்கான முடிவுகள் இன்று வெளியிடப்படும் என ஏற்கனவே டி.பி.ஐ அறிவித்திருந்தது. அதன் அடிப்படையில் இன்று காலை 9:30 மணி அளவில் தேர்வு முடிவுகள் வெளியிடப்படத்து. 500க்கு 499 மதிப்பெண்கள் எடுத்து இரண்டு மாணவர்கள் சாதனை படைத்துள்ளனர்.

விருதுநகர் மாவட்டம் பெரியவள்ளிக்குளம் நோபல் மெட்ரிக் மேல்நிலைப்பள்ளியின் சிவக்குமார் மற்று ராசிபுரம் எஸ்.ஆர்.வி பள்ளி மாணவி பிரேமலதா ஆகிய இருவரும் 499 மதிப்பெண்கள் எடுத்து மாநில அளவில் முதல் இடத்தை பிடித்துள்ளனர். 498 மதிப்பெண்கள் எடுத்து  இரண்டாம் இடத்தை 50 மாணவ மாணவியரும், 497 மதிப்பெண்கள் எடுத்து மூன்றாம் இடத்தை 224 மாணவ மாணவியரும் சாதனை படைத்துள்ளனர். இதற்கும் முன் மாநில இத்துனை மாணவர்கள் சாதனை படைத்ததே இல்லை.  ஒட்டுமொத்த தேர்ச்சி விகிதம் 93.6% ஆகும். வழக்கம் போல் இந்த முறையும் மாணவியர்களே அதிகம் தேர்ச்சி பெற்றுள்ளனர்.