நிறைவடைந்த அமர்நாத் யாத்திரை!

அமர்நாத் யாத்திரை நேற்றோடு நிறைவடைந்தது. இந்த ஆண்டு மட்டும் சுமார் 2 லட்சம் பேர் லிங்கத்தை தரிசனம் செய்தனர்.

ஜம்மு கஷ்மீர் மாநிலம் அமர்நாத்தில் உருவாகும் பனிலிங்கத்தை தரிசிக்கும் வகையில் பகதர்கள் யாத்திரை மேற்கொள்வார்கள். 48 நாட்கள் நடைபெறும் இந்த யாத்திரை கடந்த மாதம் 2 ஆம் தேதி தொடங்கி நேற்று நிறைவடைந்தது. எனினும் வரும் 20ஆம் தேதி வரை பகல்காமில் விசர்ஜன பூஜை நடக்கும். இத்துடன் யாத்திரை நிறைவு பெறும்.

இந்த ஆண்டு யாத்திரையின் போது 21 யாத்திரிகள், 2 உள்ளூர் மக்கள், துணை இராணுவ வீரர்கள் உட்பட மொத்தம் 21 பேர் மாரடைப்பின் காரணமாக உயிரிழந்துள்ளனர். மேலும் 40 பக்தர்கள், 10 உள்ளூர் மக்கள் நிலச்ச்சரிவில் காயமடைந்துள்ளனர். மொத்தம் 2 லட்சத்திற்கும் அதிகமான பக்தர்கள் இவ்வருடம் அமர்நாத் யாத்திரை மேற்கொண்டனர். கடந்த 10 ஆண்டுகளுடன் ஒப்பிடுகையில் பக்தர்கள் எண்ணிக்கை இந்த ஆண்டு மிகவும் குறைந்துள்ளது. கஷ்மீரில் நடக்கும் வன்முறை சம்பவங்களால் பக்தர்களின் எண்ணிக்கை குறைந்திருக்கலாம் என கருதப்படுகிறது.